CP Vincent Sano, yakiriye itsinda ryo muri Timor-Leste riyobowe na Nyakubahwa Virgilio da Silva Gutteres, umuvunyi w'uburenganzira bwa muntu n'ubutabere

Kuri uyu wa Gatanu tariki ya 29 Gicurasi 2026, Umuyobozi Mukuru wa Polisi wungirije ushinzwe ibikorwa, CP Vincent Sano, yakiriye itsinda ryo muri Timor-Leste ryari riyobowe na Nyakubahwa Virgilio da Silva Gutteres, umuvunyi w'uburenganzira bwa muntu n'ubutabera, ku cyicaro gikuru cya Polisi ku Kacyiru mu karere ka Gasabo.

Iri tsinda riri mu Rwanda mu ruzinduko rw'akazi mu rwego rwo kwigira ku miyoborere y'u Rwanda, kongera kwiyubaka n'urugendo rwo kuvugurura imikorere mu gucunga umutekano nyuma ya Jenoside yakorewe Abatutsi mu 1994. 

Ibiganiro byibanze ku bufatanye n'abaturage mu gucunga umutekano, kwimakaza ikoranabuhanga mu kazi k'umutekano, imitangire y'ubutabazi bwihuse, ubufatanye n'izindi nzego, n'uruhare rw'umuturage mu gushimangira umutekano rusange n'imitangire ya serivisi y'umutekano inoze. 

Ivomo: RNP