Rwanda Public Health Association (RPHA) yizihije Global Public Health Week 2026 mu Rwanda

Mu muhango wo gutangiza ku mugaragaro Global Public Health Week 2026 mu Rwanda, hatanzwe ubutumwa bushimangira akamaro k’ubuzima rusange n’ubufatanye mu kubuteza imbere ku rwego rw’igihugu no ku rwego mpuzamahanga.

Iyi gahunda yitabiriwe n’abayobozi batandukanye barimo Dr. Brayan Chirombo, uhagarariye Ishami ry’Umuryango w’Abibumbye ryita ku Buzima (WHO) mu Rwanda, ndetse na Prof. Nyirazinyoye Laetitia, Perezida wa Rwanda Public Health Association (RPHA).

Uruhare rw’inzobere mu buzima rusange

Abagize uyu muryango barimo abantu bafite impamyabumenyi zitandukanye zirimo iza kaminuza (Bachelor’s), iz’icyiciro cya kabiri cya kaminuza (Master’s), iz’ikirenga (PhD), ndetse n’izindi mpamyabumenyi zo mu cyiciro cya postgraduate mu buzima rusange, epidemiologiya, ikoranabuhanga mu buzima (health informatics) n’indi myuga bifitanye isano.Uretse abize mu mashuri makuru, uyu muryango unahuriza hamwe abaforomo, abaganga, abahanga mu miti (farumasi), abafasha b’abaganga, abakozi bo muri laboratwari, abashinzwe ubuzima bw’ibidukikije, abahanga mu mirire, abaganga b’amenyo, ndetse n’abandi bakora mu nzego z’ubuzima zifitanye isano.

Intego y’umuryango

RPHA ishingiye ku ntego yo guteza imbere ubuzima rusange binyuze mu bushakashatsi, amahugurwa, ubuvugizi, ndetse no guhuza inzobere zifite ubumenyi, ishyaka, ubufatanye n’intego imwe yo guteza imbere ubuzima bw’abaturage.

Urusobe rw’Igihugu rugamije ubujyanama (mentorship), iterambere ry’umwuga, n’ubuyobozi bufatanyije mu rwego rw’ubuzima rusange.

Akamaro k’ubushakashatsi n’amakuru yizewe

Mu butumwa bwatanzwe, hagaragajwe ko ibimenyetso, raporo, n’umusanzu w’inzobere bifasha abayobozi gufata ibyemezo bikwiye, bityo bikongera imbaraga za sisitemu z’ubuzima rusange mu gihugu.Ubutumwa bw’ingenzi

Dr. Brayan Chirombo yashimangiye akamaro k’ubufatanye mpuzamahanga mu guteza imbere ubuzima rusange, mu gihe Prof. Nyirazinyoye Laetitia yashimye uruhare rw’inzobere ziri muri RPHA mu guteza imbere ubushakashatsi n’imikorere y’ubuzima mu Rwanda.