Nyarugenge - Nyakabanda: Hatangijwe shampiyona y'umupira w'amaguru ifite Insanganyamatsiko igira iti: “ Turwanye ibiyobyabwenge, ubusinzi, uburaya n'ubwomanzi mu bato”.

Kuri uyu wa Gatandatu tariki ya 04 Nyakanga 2026,  Urugaga rw'Urubyiruko rushamikiye ku muryango FPR Inkotanyi mu murenge wa Nyakabanda, rwatangije shampiyona  y'umupira w'amaguru ifit  insanganyamatsiko igira iti: “ Turwanye ibiyobyabwenge, ubusinzi, uburaya n'ubwomanzi mu bato”.

Ni shampiyona yatangijwe n'imikino itandukanye yahuje utugari tugize uyu murenge wa Nyakabanda irimwo Umukino w'amaguru wabereye kuri Tapis vert aho Ikipe ya Munanira ya 1 yahuye n'ikipe ya Munanira ya 2 . Umukino wahuje aya makipe yombi warangiye ikipe ya munanira ya 2 itsinze igitego 1 Ku busa bw'ikip ya  munanira ya 1.

Ikipe y'akagari ka Nyakabanda ya 1 yahuye na Nyakabanda 2 birangira  Nyakabanda ya 2 itsinzwe igitego 1 na NYAKABANDA 1

Ikipe y'abafite ubumuga bo mu kagari ka munanira ya 1 yatsinze igitego 1 ku busa bwa munanira ya 2 
 

Ikipe y'Abakozi b'umurenge yakinnye  n'ikipe y'abacuruzi bo mu gakiriro Umukino urangira banganya Kimwe kuri kimwe.

Sport ni kimwe mubikorwa biba biteganyijwe gukorwa ku munsi nk'uyu wo kwibohora ikanateza imbere ubuzima muri rusange igashimangira ubumwe n'urukundo mu bantu.  Irinda kandi  urubyiruko kuzerera mugihe bari mubiruhuko.

Irushanwa rizasozwa ku itariki ya 25 Nyakanga 2026 aho biteganuijwe ko abitwaye neza kurusha abandi bazahembwa, hanashimirwe abitabiriye irushanwa.